Las taxas communalas actualas da cura e las taxas communalas actualas per promover il turissem duain vegnir remplazzadas tras in sistem chantunal che vala en l'entir Grischun. La nova taxa turistica sa drizza tenor la creaziun da valurs turisticas d'ina interpresa ed è graduada tenor la branscha, tenor la regiun e tenor la grondezza da l'interpresa. Tut tgi che profitescha dal turissem en il Grischun paja la taxa turistica e presta uschia sia contribuziun a favur da la finanziaziun da basa. Tras la midada da sistem tar ils manaschis d'alloschament (suttamessa a la taxa è la capacitad e betg pli la frequenza) daventi ultra da quai pli facil da planisar ils retgavs per las organisaziuns da las destinaziuns e per las vischnancas. L'execuziun da las taxas turisticas è chaussa da las vischnancas.

Calculaziun: Il calculatur online per la taxa turistica permetta da calcular las taxas per las interpresas sco er per las possessuras ed ils possessurs d'abitaziuns da vacanzas en mintga vischnanca (senza eventuals supplements u eventualas reducziuns).